Ni: KC Lyn G. Desisto
Sa buhay ko, ikaw itong nanggulo
Bawat araw, ika’y nasa isip ko
Maging sa panaginip ikaw ang laman
Pag-ibig na nga kaya itong nararamdaman?
Pag-ibig na nga kaya itong nararamdaman?
Sa aking isip marami akong katanungan
Araw at gabi, ito’y laging nasa isipan
Hindi ko malaman kung ano ang aking karamdaman
Hindi ko malaman kung ano ang aking karamdaman
Ito ba’y sakit sa puso o sakit sa isipan?
Ngunit ng ika’y makilala, mundo ko’y nagbago
Binigyan mo ng sigla buhay kong walang halaga
Binigyan mo ng sigla buhay kong walang halaga
Pag ika’y kasama, ako’y laging masaya
Sigarilyo’y naiwasan, droga’y natantanan
Ngayon alam ko na, pag-ibig ang s’yang nararamdaman.
Walang komento:
Mag-post ng isang Komento